Kidung Keuskupan Agung Semarang – Dhandhanggula

0
207 views
Ilustrasi: Para Uskup yang pernah menjadi Pemimpin Gereja Lokal Keuskupan Agung Semarang.

Dhandhanggula

  1. Hanyarkara Keuskupan iki/
    Kala pisah saking Batavia/
    Selawé Juni tanggalé/
    Surya sengkalanipun/
    Swarga Suci Ngarsané Gusti/
    Ing Semarang punika/
    Mandhirèng satuhu/
    Sanalika kadadosna/
    Ing Semarang Vikariat Apostolik/
    Nun inggih lajengira//
  2. Ari kaping tiga Januari/
    Nyata éndah gatrané Hyang Suksma/
    Iku surya sengkalané/
    Wanci dumadosipun/
    Keuskupan Agung sayekti/
    Sinten kang pinitaya/
    Monsinyur Albertus/
    Soegijapranata asma/
    Uskup Agung Semarang kang kaping siji/
    Memangun Pasamuan//
  3. Suprih pana nami kang sinandi/
    Paran sapa aran Sandinama/
    Nyobi niti pada kéné/
    Samangké papanipun/
    Kawaosa purwanirèki/
    Ngaléla saben gatra/
    Yoga kluyar-kluyur/
    Gya pinanggih namanira/
    Karo pisan ngendi omahé saiki/
    Taler mung bocah desa//

Ketrangan:
Swarga= 0, Suci= 4, Ngarsané=9, Gusti=1 Angka tahun 1940 M
Nyata=1, éndah=6 gatrané=9, Hyang Suksma=1. Angka tahun 1961 M

Sor Blimbing, 28062020
Ki Sandinama

LEAVE A REPLY

Please enter your comment!
Please enter your name here